Yildyz Osmonalieva & Svetlana Nazarenko – Darak Yry

Светлана Назаренко и Жылдыз Осмоналиева – Дарак ыры

Жетсе башың булутка,

Алды-артыңды унутпа.

Жаман, жакшы күндөрүң,

Келет, кетет турмушта.

Өмүр чуркап алыска,

Өлүм менен жарышта.

Канжыгага баш байлап,

Жигит өтөт намыска.

Адам көпкө багынат,

Алдоолорго чалынат.

Таалайына жетсем деп,

Тагдырына жалынат.

Адам барга ичи ток,

Жокко айласыз күчү жок.

Ысык жандын бир күнү

Муздарында иши жок.

Адам кызык туулган,

Ааламга үнү угулган

Болор иши кайчы өтүп,

Болбос ишке муунган.

Адамга өмүр ченетпейт,

Ар кимде үмүт элестейт.

Карылыкты жээрийт да,

Көп жашагым келет дейт.

Адам кайда жүрбөгөн,

Акылы артык дүйнөдөн.

Ошентсе да кызыгы

Өлөр күнүн билбеген.

Адам кызык баарынан,

От чыгарып табынан…

Келечегин тапсам дейт,

Өткөн күндүн маалынан.

Deja un comentario

Tu dirección de correo electrónico no será publicada. Los campos obligatorios están marcados con *